Саудия Арабастони ОПЕК (нефть қазиб чиқарувчи мамлакатлар ташкилоти) ва ушбу картелга кирмайдиган нефть ишлаб чиқарувчи мамлакатлар ўртасидаги музокараларда қатнашмайди. Бу ҳақда Reuters ОПЕКдаги манбаларига таяниб хабар берди, деб ёзади «РБК». Ушбу музокараларда иштирок этишдан бош тортиш сабабларига аниқлик киритилмаяпти.
Учрашув 28 ноябрга белгиланган бўлиб, Венада ўтказилади. Иштирокчилар орасида Россия вакиллари ҳам бўлади.
Саудия Арабистонининг 28 ноябрдаги музокараларда иштирок этмаслиги ҳақида Bloomberg агентлиги ҳам ОПЕКдаги икки делегатга асосланиб маълум қилди. Агентлик манбаларига кўра, Ар-Риёднинг иштирок этишдан бош тортишига ОПЕК ичида ҳали келишувга эришилмагани сабаб бўлган.
Картелга кирмайдиган мамлакатлар билан учрашув ОПЕКнинг ўз учрашувидан икки кун олдин бўлиб ўтиши керак. 30 ноябрь куни Венада картель мамлакатлари аввалроқ Жазоирда қабул қилинган нефть қазиб олиш ҳажмини қисқартириш шартларини узил-кесил келишиб олиши керак (ўшанда картелда нефть қазиб олиш ҳажми суткасига 32,5—33 миллион баррелгача камайтирилган эди).
Изоҳ (0)