Биз олдинроқ, Profi Education абитуриентлар мактабининг ётоқхонаси ишга тушганлиги ҳақида хабар берган эдик. Мана ётоқхона ўз фаолиятини бошлаганига ҳам бир мунча вақт ўтди, «Хўш, Profi Education ётоқхонасида аҳвол қандай? Ўғлимни ётоқхонага жойлаштирсам, овқатлари қандай, ўғлим оч қолмайдими? Ўғил болалар билан қиз болалар қандай ажратилган? Ётоқхонада назорат қандай?» деган саволлар билан кўплаб ота-оналар мурожаат қилишди. Шу сабабли биз Profi Education ётоқхонасидаги ҳозирги ҳолатни батафсил таърифлаб беришга қарор қилдик.
Ётоқхона қаерда жойлашган?
«Profi ётоқхонаси» Тошкент шаҳрининг Миробод туманидаги Банокатий кўчасида, халқ тилида «Саракулька» деб номланадиган кўчанинг муюлишида жойлашган.
Ётоқхона неча ўринли?
«Profi ётоқхонаси» 200 абитуриентни ўз бағрига сиғдира олади.
Ётоқхонада қиз ва ўгил болаларнинг яшаши қай тарзда?
Ётоқхонамизда қиз ва ўғил болалар алоҳида-алоҳида қаватларда истиқомат қилишади. Улар дарс тайёрлашда ва ётоқхонада яшашда бир-бирларига умуман халақит беришмайди.
Ётоқхона бепул дейилган эди, шу гап ростми?
Ҳа, рост! Ётоқхонамизда яшаш бепул, лекин уч маҳал овқат, автобус хизмати, кийим тозалаш хизматлари каби қўшимча хизматлар учун пул тўланади.
«Ётоқхона – Profi Education» йўналишида автобус бўлади дейишган эди, бу қанчалик ҳақиқат?
Бу гапимиз ҳам айни ҳақиқат! Ҳозирги кунда Profi Education тасарруфида тўртта автобус хизмат кўрсатмоқда. Автобуслар ётоқхонада яшовчи абитуриентларнинг вақтини зое кетказмаслик мақсадида Profi Education ўқув биносига олиб келади ва мазмунли дарсдан сўнг қайта ётоқхонага олиб боради.
Ётоқхонада яшовчи абитуриентлар қаерда ва неча маҳал овқатланишади?
«Profi ётоқхонаси»да алоҳида ошхона ҳам ўз фаолиятини олиб бормоқда, бу ерда ўқувчилар кунига уч маҳал овқатланишади. Ҳар бир овқатнинг таркиби, сифати ўта қаттиқ назорат остига олинган. Кўрсатилган меъёрдаги овқатга тўймай қолган абитуриентларга яна қўшимча тарзда овқат бериш ҳам ташкиллаштирилган. Умуман олганда абитуриент бизда оч қолмайди.
Ётоқхона совуқ эмасми?
«Profi ётоқхонаси» Италияда ишлаб чиқарилган иситиш тизими билан жиҳозланган, ташқарида ҳаво музлаб кетганда ҳам, ётоқхонанинг ичида ёз ҳукмронлик қилади.
Ётоқхонада телефон ишлатиш мумкин эмас деб эшитган эдик, шу гап ростми?
Ҳа, рост! Ётоқхонада яшовчи абитуриентларнинг дарсдан ташқари нарсаларга вақт сарфлашининг олдини олиш мақсадида Profi Education маъмурияти ётоқхона абитуриентлари учун телефон ишлатишни тақиқлаган, ҳар куни бир соат — 19:00 дан 20:00 гача ўқувчига телефон ишлатишга рухсат берилади.
Ётоқхонада дарс жараёни қандай?
Ётоқхона биноси ичида ўқувчилар фақат дарс билан машғул бўлишади, бошқа ортиқча нарсаларга фикри чалғимаслигининг олдини олиш учун ётоқхонада алоҳида назоратчи-ўқитувчилар фаолият олиб боришади, улар ўқувчилар билан қўшимча дарслар олиб бориш учун масъулдирлар.
Абитуриентнинг кийимини ким тозалайди?
Абитуриентлар кийим тозалашга ҳам вақт йўқотмасликлари учун ётоқхонада алоҳида кийим тозалаш хизмати ташкил қилинган. Бу хизмат ўқувчиларнинг кийимларини ювиш, тозалаш ва дазмоллашни қамраб олади. Шунингдек, улар ҳар ҳафта абитуриентларнинг чойшабларини янгилаб туришади.
Етарли балл тўплай олмаган абитуриентлар ётоқхонадан чиқариб юбориладими?
Ҳа, ҳар бир ойда Profi Education томонидан ётоқхона абитуриентлари учун минимал балл кўрсаткичи қўйилган, агар ўқувчи шунақа шароитда яшаб ҳам ўша бални ололмаса, ётоқхона абитуриентлари сафидан чиқарилади, лекин ўқувчи Profi Education’даги ўқишини давом эттириши мумкин. Агар ўқувчи ўз хатосидан тўғри хулоса чиқариб, кейинги ой минимал балл кўрсаткичини йиға олса, яна ётоқхонага қайтиши мумкин.
Агар фарзандим касал бўлиб қолса, кимга мурожаат қилади?
«Profi ётоқхонаси»да алоҳида тиббий мутахассислар ишлашади, ҳар бир ўқувчининг соғлиги назорат остида бўлади, агар фарзандингиз касал бўлиб қолса, бизнинг врачларимиз дарҳол бунинг олдини олиш пайига тушишади, бу томондан ҳам асло хавотир олмасангиз бўлади.
Тошкентлик абитуриентлар ҳам ётоқхонада туриши мумкинми?
Ётоқхонадаги ўқиш ва тартиб асли тошкентлик абитуриентларга ҳам ёқиб тушди, ҳозирда ётоқхонамизда ўнга яқин тошкентлик абитуриент истиқомат қилмоқда.
Profi Education — мақсадлар туташган манзил!
Телефон: 244-66-06, Telegram: (90) 951-23-88
Реклама ҳуқуқи асосида. Хизматлар лицензияланган. Profi Education НТМ хизмат кўрсатади.
Изоҳ (0)