Япония бош вазири Синдзо Абэ Жанубий Курил оролларида Россия ракета мажмуалари жойлаштирилганидан афсусда эканлигини билдирди. Бу ҳақда «РИА Новости» хабар бермоқда.
«Биз дипломатик каналлар орқали ўз афсусимизни етказдик, чунки мазкур ҳолат мамлакатимиз бу борада тутган мавқега тўғри келмайди. Жанубий Курилнинг тўрт ороли масаласидаги қарашларимиз ҳам ўзгармаган», — дея таъкидлади Абэ.
Маълумот учун, Россиянинг «Бастион» ва «Бал» ракета мажмуалари Курил оролларида 22 ноябрь, сешанба куни жойлаштирилди. «Бастион» Итуруп, «Бал» эса Кунашир оролида навбатчилик ўтайди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)