Таиланд валиаҳд шаҳзодаси, марҳум қирол Пхумипон Адульядетнинг (Рама IX) ягона меросхўри бўлмиш Маха Вачиралонгкорн 29 ноябрь куни тахтга чиқиши мумкин. Мамлакат парламентининг махсус кун тартибига эга навбатдан ташқари сессияси айнан ўша кунга белгиланган, деб хабар беради «ТАСС».
Бош вазир Прают Чан-Оча 25 ноябрь куни журналистлар билан мулоқот чоғида сессиянинг ўтказилишини тасдиқлади, аммо кун тартиби тафсилотларига тўхталмади.
«Бари тегишли тартибда кетмоқда, барча қадамлар ўзгаришсиз қолмоқда», — таъкидлади у.
Илгари янги қиролнинг тахтга чиқиш маросими 1 декабрга мўлжалланаётгани хабар қилинган эди.