Россиянинг Ростов шаҳри аэропортида шу йилнинг март ойида ҳалокатга учраган, Fly Dubai авиакомпаниясига тегишли Boeing лайнери экипажи иккинчи айланишда макон мўлжалини йўқотгани боис ҳалокат юз берди. Бу ҳақда терговга яқин манбаларга таянган ҳолда «РБК» хабар бермоқда.
«Бўлиб ўтган воқеани, шунингдек, ҳаво кемасининг тавсифи ва аҳволини ўрганиб чиқилиб, самолёт командири иккинчи айланишни бошлаган чоғда ҳаво кемасининг ҳолатини тўғри баҳолай олмагани аниқланди», — деди агентлик манбаси.
Таъкидланишича, экипаж командири самолёт кўтарилиш чоғида хавфли бурчакда туриб қолди деб ўйлаб, авиауфқнинг жойлашувига қарамасдан нотўғри хатти-ҳаракатлар қилган.
Айтилишича, бундай муаммо кечки соатларда, шунингдек, кўриш қийинлашадиган вазиятларда кўпгина командирлар ва учувчилар билан юз беради.