Франция жанубидаги Эро провинциясида жойлашган қариялар уйига милтиқ ва пичоқ билан қуролланган номаълум эркак бостириб киргач, полиция бинодан 59 кишини олиб чиқди, деб ёзади «Интерфакс».
Қариялар уйида Африка мамлакатларидаги миссияларда иштирок этган жами 70 га яқин пенсионер роҳиблар яшайди. Уларнинг 20 га яқини бино ичида қолмоқда.
Келиб тушаётган маълумотларга кўра, ниқоб таққан эркак қариялар уйига киришдан олдин соқчи кампирни пичоқлаб ўлдирган.
Полиция ва махсус топшириқли бўлинмалар кучлари бино ичида жиноятчини қидириш ишларини олиб борди, аммо бу натижа бермади. Жиноятчи қочиб кетгани тахмин қилинмоқда.
Жиноятчининг ҳужумдан мақсади ва унинг шахси номаълум. Ҳукумат соқчининг ўлдирилишини террорчилик ҳаракати эмас, «жиноий хатти-ҳаракат» деб баҳоламоқда.
Изоҳ (0)