Мосулдаги операция бошланганидан буён 70 мингдан ортиқ ироқлик ўз уйларини тарк этди

Ироқ армияси Мосул шаҳрини ИШИД жангариларидан тозалаш бўйича операция бошлаганидан буён яқин атрофда истиқомат қилувчи 70 мингдан ортиқ одам ўз уйларини ташлаб чиқиб кетди. Бу ҳақда Халқаро миграция ташкилоти расмий вакили Жоэль Миллман брифинг чоғида маълум қилди, деб хабар беради «ТАСС».

23 ноябрда бу кўрсаткич 68,5 минг кишига тенглиги маълум қилинган эди. 19 ноябрь ҳолатига кўра эса мажбурий кўчганлар сони 60 минг кишига етган эди.

Охирги сутка мобайнида 450 оила уйларини ташлаб чиқиб кетди, деб қўшимча қилди Миллман.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.