Исроилнинг Хайфа шаҳри атрофи ёнғин билан қопланди, у бир неча соатдан сўнг бинолар ва шаҳарни ўраб турган ўрмонларга ўтиб кетди, деб ёзади TJournal.
Ёнғин натижасида 36 нафар маҳаллий фуқаро жабрланди (улардан бири оғир аҳволда), 60 мингдан ортиқ киши ёнғин бўлаётган ҳудуддан эвакуация қилинди.
Хайфанинг ушбу туманига Исроил Мудофаа армияси фронт бригадаларининг ёнғинга қарши курашиш отрядлари ва захирадаги ўт ўчирувчилар чақирилди. Миллий хизматлардан ташқари, ёнғинни ўчиришда Россия, Туркия, Греция, Британия, Хорватия ва Италия ёнғин авиацияси қисмлари ёрдам бермоқда.
Исроилнинг Channel 2 телеканали маълумотларига кўра, ёнғин бир вақтнинг ўзида бешта нуқтада бошланган. Мамлакат хавфсизлик хизматлари хабар беришича, ёнғинни маҳаллий араб миллатчилари уюштирган. Бир нечта гумонланувчи ҳибсга олиниб бўлди.
Исроил таълим вазири Нафтали Беннет ҳодисани террор деб атади ва барча айбдорлар қонун бўйича жазоланишига ваъда берди. Бундай ваъдалар билан мамлакат президенти Реувен Ривлин ҳам чиқиш қилди.
Яна бир ёнғин Қуддусга ёндош Модиин туманида чиқди. Аланга туман ҳудудидаги иккита темирйўл станциясига, шунингдек, машиналарга лиқ тўла тураргоҳга ва ёқилғи қуйиш шохобчасига жуда яқин келди.
Изоҳ (0)