Австралия полицияси учувчи ва диспетчерларни лақиллатган йигитчани қўлга олди

Аутизм ва депрессиядан азоб чекувчи ёш австралиялик деярли икки ой давомида Мельбурндаги иккита аэропорт диспетчерлари ва учувчиларини адаштириб келди, деб ёзади The Sydney Morning Herald.

Маҳаллий фуқаро Пол Сэнт ёпиқ частотада радиоэфирга чиқишни ўрганиб, ўзини Авалон ва Тулламарин аэропортлари учувчи ва диспетчерлари қилиб кўрсатди. Хусусан, 19 ёшли Сэнт Virgin Australia авиакомпанияси лайнерининг қўнишига йўл қўймади. 5 сентябрдан 3 ноябргача радиобезори жами 16 марта эфирга чиққан.

Йигит Австралия федерал полицияси томонидан 21 ноябрь куни ҳибсга олинди ва эртаси куни суд қаршисида намоён бўлди. Йигитча ҳаво кемалари учун хавф туғдирганликда ва лайнерлар бошқарувига аралашганликда айбланмоқда. Сэнт 20 йилгача муддатга қамалиши мумкин.