Россияда жорий йилда биринчи бор парранда гриппи қайд этилди

Россияда жорий йилда биринчи бор парранда гриппи қайд этилди. Бу ҳақда «Интерфакс» хабар бермоқда.

Россия ветеринар ва фитосанитар назорат федерал хизмати расмий вакили Алексей Алексеенкога кўра, касаллик Қалмиғистондаги шахсий хўжаликларда аниқланган.

«Ҳозирда вазият ўрганилмоқда. H5N8 гриппи эканлиги тахмин қилинмоқда, бироқ унга ўхшаш бошқа штаммлар ҳам бўлиши мумкин. Касалликни четдан учиб келган қушлар келтиргани эҳтимолдан холи эмас», — дея таъкидлади вакил.

Шу билан бирга, Алексеенко мамлакатда мазкур касаллик тарқалиши олдини олиш ва профилактикаси бўйича қатъий чоралар тизими мавжудлигини маълум қилди.

«Барча идоралар касаллик юзага келганида қандай ҳаракат қилишини аниқ билади. Асосийси, бизда қисқа муддатда ушбу вируснинг турли штаммларига қарши вакцина яратиш имконияти бор, парранда фабрикаларида биологик ҳимоя тизими ишга туширилган», — дея эслатиб ўтди Алексеенко.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.