Назарбоев Остонани унинг шарафига номлаш ташаббусига изоҳ берди (видео)

Қозоғистон пойтахти Остона шаҳрини мамлакат президенти шарафига Назарбоев деб қайта номлаш ҳақидаги ташаббусни синчиклаб кўриб чиққандан сўнг давлат учун зарур бўлган қарорни қабул қилиш лозим. Бу ҳақда Қозоғистон раҳбари Нурсултон Назарбоев модернизация бўйича миллий комиссия йиғилишида баёнот берди, деб хабар қилади «РБК».

Баёнот видеоси Facebook’да эълон қилинди.

Назарбоев пойтахтни қайта номлаш ташаббуси парламентдан чиққанини алоҳида қайд қилиб ўтди.

«Мана кеча парламент пойтахтга менинг номимни беришни таклиф қилди. Мен бу каби таклифларни ҳеч кимга айтмагандим», — деди президент.

«Парламент — ҳокимиятнинг мустақил бўлими, у қарор қабул қилиш ва ўз фикрини айтиш ҳуқуқига эга», — қўшимча қилди Назарбоев.