БМТ Мосул ҳудудида мажбурий кўчганлар сони 60 минг кишига етганини маълум қилди
17 октябрда Ироқнинг Мосул шаҳрини ИШИД жангариларидан тозалаш бўйича операция бошланганидан буён ушбу ҳудудда мажбурий кўчган одамлар сони 60 минг кишига етди ва бу кўрсаткич ўсишда давом этмоқда. Бу ҳақда БМТ гуманитар масалаларни мувофиқлаштириш бошқармаси тарқатган баёнотда айтилади, деб хабар бермоқда «ТАСС».
Қочқинларнинг тўртдан уч қисми Мосулдан шарқдаги ва жанубдаги — Найнава, Анбар ва Арбилдаги лагерларда қўним топди, қолганлар эса қабул қилаётган жамоалар ва жамоатчилик биноларида истиқомат қилмоқда.
Гуманитар агентликлар 45 минг қочқинни лагерларга жойлаштирди, яна 47 минг кишилик жойлар борлиги айтилмоқда. Қўшимча тарзда яна 453 минг кишини жойлаштириш мақсадида бошқа жойларда ҳам қурилиш ишлари жадаллаштирилмоқда, деб таъкидланади баёнотда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
