«Championat.asia» нашри Ўзбекистон Олий Лигасида яхши ўйин кўрсатаётганига қарамай, мамлакат бош жамоасидан чақирув олмаётган энг кучли 10 нафар футболчи номини келтирди.
Ички чемпионатда тўпурар бўлиб турган «Локомотив» аъзоси Темурхўжа Абдухолиқов рўйхатда биринчи бўлиб келган. Украина чемпионатида тўп сураётган Санжар Турсунов ҳам негадир термага жалб этилмаётгани айтиб ўтилган.
Таклиф этилган футболчиларнинг тўрт нафари ҳимоячилар бўлиб, шуларнинг 75 фоизи «Бунёдкор»да ҳаракат қилади: Акмал Шораҳмедов, Акром Комилов ва Рустам Ашурматов. Шунингдек, «Насаф» вакили Шерзод Аъзамов номини ҳам учратиш мумкин.
Манба Санжар Шоаҳмедов, Шоҳруз Норхонов, Шавкат Саломов, Мурод Зухуров каби футболчиларни ҳеч бўлмаганда кенгайтирилган таркибга киритиш мумкинлиги ҳақида айтган.
Изоҳ (0)