Миср кассация суди 15 ноябрь, сешанба куни мамлакатнинг собиқ президенти Муҳаммад Мурсий ва «Мусулмон биродарлар» уюшмасининг қатор раҳбарларини қамоқхонадан қочиш, оммавий тартибсизликларда иштирок этиш бўйича жиноий иш юзасидан чиқарилган ўлим ҳукмига апелляциясини қондирди. Бу ҳақда «ТАСС» хабар бермоқда.
Олий инстанция суди ҳукмни бекор қилиш ва ишни қайта кўриб чиқишга юбориш ҳақида қарор қабул қилди.
Ўтган йили чиқарилган ҳукм юзасидан шикоят ўлим ёки умрбод қамоқ жазоси берилган 27 нафар маҳбус томонидан тақдим этилганди. Октябрь ойида Миср кассация суди прокуратураси Мурсий ва унинг сафдошларига чиқарилган ҳукмни бекор қилишни тавсия этди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)