ОАВ: Индонезияда кема ҳалокати оқибатида ҳалок бўлганлар сони 38 кишига етди

Индонезияда Малайзия кемасининг ҳалокатга учраши оқибатида ҳалок бўлганлар сони 38 кишига етди. Бу ҳақда, The Indian Express нашрига асосланиб, «ТАСС» хабар бермоқда.

Аввалроқ 21 киши ҳалокат қурбони бўлгани ҳақида хабар берилганди.

Манбанинг таъкидлашича, қутқарувчилар бедарак йўқолган деб ҳисобланган кишиларнинг жасадини аниқлади.

2 ноябрь, чоршанба куни Малайзиянинг Жохор-Бару портидан Индонезияга йўл олаётган ҳамда бортида 90 нафарга яқин ишчи бўлган кема Батам ороли яқинида ҳалокатга учради. Гувоҳларнинг айтишича, кема шиддатли шамол ва кучли тўлқинлар оқибатида ағдарилган.

Хабарда қайд этилишича, кема денгизга ноқонуний равишда чиққан ва унинг бортидаги ишчиларда ҳужжатлар бўлмаган.