Бугун,

  • USD 11014.01
  • RUB 191.8
  • EUR 10674.78

Бошловчи Фарҳод Алимов ва хонанда Райҳон никоҳдан ўтиш арафасида собиқ турмуш ўртоқларининг олдидан ўтган. Бу ҳақда «Sayyod.com» хабар бермоқда.

Коллаж: «Дарё»

Коллаж: «Дарё»

Аввалроқ Фарҳод Алимов ва Райҳон никоҳдан ўтгани, шу муносабат билан 5 ноябрь куни амру-маъруф сифатида ош берилаётгани ҳақида хабар берилган эди. Тўй қачон бўлиши ҳозирча номаълум.

«Ҳар икки тарафнинг собиқ турмуш ўртоқлари билан муносабатлари аллақачон расман узилган. Уларнинг бошқа янги муносабатлари мавжуд бўлса ҳам, [Райҳон ва Фарҳод] бу янги турмуши ҳақида уларнинг олдидан ўтган ва барчаси ўзаро розилик натижасида бўлаётгани маълум», — деб ёзади «Sayyod.com».

Бир неча кун аввал Райҳоннинг собиқ турмуш ўртоғи, актёр Йигитали Мамажонов хонанданинг иккинчи марта оила қуришига муносабат билдирар экан, «бўлаётган ишлардан хурсанд эмаслиги»ни айтиб ўтган эди.

Олдинроқ Фарҳод Алимов «Qalampir.uz» нашрига берган интервьюсида собиқ турмуш ўртоғи билан 2016 йилнинг май ойида расман ажрашганини билдирган. Қайд этиш жоиз, Райҳон ва унинг собиқ турмуш ўртоғи — актёр Йигитали Мамажоновнинг никоҳи расман бекор бўлгани ҳам 2016 йил май ойида маълум қилинган эди.

Фарҳод Алимов интервьюларининг бирида собиқ рафиқаси билан ажрашишига Райҳоннинг алоқаси йўқлигини алоҳида таъкидлаб ўтган. Райҳон ва Фарҳод Алимовнинг тўйи, хонанданинг хавфсизлигини таъминлаш мақсадида, хорижда ўтказилиши мумкин.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.

Изоҳ
Асосий янгиликлар