Жанубий Корея қирғоқ қоровули Сариқ денгизда хитойлик браконьерларга қарата ўт очди

Корея Республикаси қирғоқ қоровули мамлакатнинг Сариқ денгиздаги алоҳида иқтисодий зонаси ҳудудига кирган хитойлик браконьерларни ўққа тутди. Бу ҳақда, «Рёнхап» агентлигига асосланиб, «ТАСС» хабар бермоқда.

Бундан ташқари, чегарачилар икки балиқчи кемасини ушлаб қолиб, уларни Инчхон портига йўллади.

«Қўшни шхуналардаги браконьерлар тўқнашувнинг олдини олиш учун М60 пулемётларидан бир неча марта ўт очган қирғоқ қоровулига тўсқинлик қилишга уринди», — дейилади хабарномада.

Айни пайтда қўлга олинган икки капитан ва 20 экипаж аъзосининг шахсини аниқлаш ишлари амалга оширилмоқда.