Ислом Каримов номини олган Москвадаги хиёбон, Тошкентда қурилиши бошланган янги метро йўналишлари, божхона тўловидан озод этилган уруғлар ва куннинг бошқа муҳим хабарлари

1 ноябрнинг эътиборга молик янгиликлари — «Дарё»нинг кечки дайжестида.

1. Москва марказидаги хиёбонга Ислом Каримов номи берилди. Хиёбон Ўзбекистон консуллик бўлими ва меҳмон қабул қилиш уйига яқин жойлашган.

2. Ўзбекистон ва Қирғизистон давлат чегара чизиғининг 49 та участкаси бўйича қўшма дала текширувлари ўтказилди. Ишчи гуруҳларнинг навбатдаги учрашувини Ўзбекистон ҳудудида ўтказишга келишиб олинди.

3. Тошкентда янги ер ости ва ер усти тезюрар метро йўналишларида қурилиш ишлари бошланди. Тошкентда бунёд этилиши давом эттирилаётган метро қурилиши энди «Ўзбекистон темир йўллари» акциядорлик жамияти томонидан амалга оширилади.

4. Ўзбекистонга келтириладиган сабзавот, полиз ва дуккакли экинлар уруғлари божхона тўловларидан озод этилди. Қарорда Ўзбекистонга божхона тўловлари олинмасдан импорт қилинадиган сабзавот, полиз ва дуккакли экинлар уруғлари рўйхати тасдиқланди.

5. Хитой илк бор бешинчи авлод J-20 қирувчи самолётини намойиш этди. Ҳаво кемаси тактик-техник хусусиятларининг аксар қисми сир сақланмоқда.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.