«Ўзавтосаноат» фуқаролар мурожаатлари билан ишлаш учун махсус ишчи гуруҳ тузди
Ўзбекистон Республикаси Вазирлар Маҳкамасининг 27 октябрдаги 366-сонли қарорида белгиланган топшириқларни амалга ошириш, Республикада ишлаб чиқарилаётган автомобилларни сотиш ва уларга хизмат кўрсатиш масалаларига боғлиқ бўлган фуқаролар мурожаатлари билан ишлаш тизимини такомиллаштириш мақсадида «Ўзавтосаноат» АК тизими корхоналари раҳбарлари ва мутахассисларидан иборат махсус ишчи гуруҳ тузилди. Бу ҳақда «Ўзавтосаноат» расмий сайти хабар берди.
«Ўзавтосаноат» АК бошқарув раиси ўринбосари Қобилжон Одилович Азимов бошчилигидаги ушбу ишчи гуруҳга фуқароларни қабул қилиш ва улар томонидан кўтарилаётган масалаларни объектив кўриб чиқиш ва асосли равишда ижобий ҳал қилиш вазифаси юклатилган.
Фуқароларни қабул қилиш ҳар куни соат 8:00 дан 11:00 гача «Ўзавтосаноат» АК биносининг 118-хонасида ва GM Uzbekistan АЖ биносининг 107-хонасида амалга оширилмоқда.
Шунингдек, автомобиль савдосига тегишли бўлган барча масалалар юзасидан бевосита дилер корхоналарига ёки GM Uzbekistan АЖнинг «Мижозларни қўллаб-қувватлаш маркази» (Call-Center) орқали мурожаат этишингиз мумкин.
Фуқаролар мурожаатлари, улар қайси воситалар орқали етказилганлигидан қатъи назар, Ўзбекистон Республикаси Бош Вазирининг Виртуал қабулхонаси аппаратига ҳисобот тариқасида мунтазам равишда етказилади ва ҳар бир мурожаат юзасидан амалга оширилган чоралар ҳақида маълумот берилади.
Мурожаатингиз тезкор равишда ва бевосита ижрочи ташкилот томонидан кўриб чиқилишини таъминлаш мақсадида, ўз мурожаатингизни «Ўзавтосаноат» АК ишчи гуруҳига, ёки сизга яқин бўлган дилерлик ташкилотига, ҳамда «Мижозларни қўллаб-қувватлаш маркази» рақамларига қўнғироқ қилиш орқали билдиришингиз мумкин.
«Ўз томонимиздан, биз сизнинг мурожаатингизни расмий ҳужжатлаштириб, энг тез фурсатда ва сизга қулай бўлган услубда кўриб чиқилишини кафолатлаймиз», — дейилади хабарда.
«Ўзавтосаноат» билан боғланиш йўллари:
1. «Ўзавтосаноат» АК фукаролар мурожаатларини кўриб чиқувчи махсус ишчи гуруҳи:
Азимов Қобил Одилович«Ўзавтосаноат» АК бошқарув раиси ўринбосари, Ишчи гуруҳ раиси+998 71 140 76 50 3 2004# (қабулхона)kazimov@uzavtosanoat.uz
2. Ташриф учун:«Ўзавтосаноат» АКТошкент шаҳри, А.Темур, 13-уй, 118-хонаТел.: +998 71 140 76 50Электрон манзил: info@uzavtosanoat.uz
GM Uzbekistan АЖТошкент, Нукус кўчаси, 8-уй, 107-хонаТел.: +998 71 140 55 40Электрон почта: gmuzbekistan@uzgm.uz
SamAvto МЧЖТошкент, Нукус кўчаси, 8-уй, 107-хонаТел: +998 71 140 64 64Электрон манзил: info@samauto.uz
JV MAN AUTO Uzbekistan МЧЖТошкент, М.Улуғбек, 30-уй, 105-хонаТел: +998 71 148 80 80Электрон манзил: info@man-mn.uz
3. «Мижозларни қўллаб-қувватлаш маркази» (Call-Center)Тел.: +998 71 141 76 66
