ОАВ: Пентагон ишлаб чиқарилмаган қуролларга 58 млрд доллар сарфлади
АҚШ мудофаа вазирлиги охирги 20 йил мобайнида амалга ошмай қолган қурол тизимлари лойиҳаларига жами 58 миллиард доллар сарфлади. Бу ҳақда мудофаа вазирининг харидлар, технологиялар ва логистика бўйича ўринбосари Франк Кендалл баёнот берди, деб хабар қилади «ТАСС».
«Идора ичида ўтказилган харидлар самарадорлиги текшируви шуни кўрсатдики, 23 қимматбаҳо лойиҳа ишга туширилган, молиялаштирилган, аммо бироздан сўнг, миллиардлаб доллар харажатдан сўнг, бекор қилинган», — дейилади баёнотда.
Энг ёрқин мисол сифатида «Келажак жанговар тизими» лойиҳаси эсга олинди. Ушбу лойиҳа ягона компьютер тармоғи билан бирлаштирилган учувчисиз техника билан қуролланган янги қисмларнинг шакллантирилишини кўзда тутган эди. Лойиҳа устидаги ишлар 2003–2009 йилларда давом этди, шундан сўнг ғоядан воз кечилди, аммо у пайтга қадар лойиҳага 20 миллиард доллар сарфланган эди.
