23 октябрь куни биринчи iPod мп3-плеери тақдимоти ўтказилганига 15 йил тўлди. Аммо Apple компаниясининг ўзи мазкур санани нишонламасликни маъқул кўрди, деб хабар бермоқда TJournal.
Таъкидланишича, бирорта матбуот хабарномаси чиқарилмади, Twitter’да бирорта хабар қолдирилмади.
2001 йили 399 доллар нархда чиқарилган iPod ўз пайти учун фавқулодда кўрсаткичларга эга эди: 184 грамм вазн, 18 миллиметр қалинлик, 5 Гб хотира. Плеер чўнтакка сиғар эди. Ундаги FireWire интерфейси орқали ўн секундда ускунага компакт-дискдаги қўшиқларни ўтказиш мумкин эди.
Оригинал iPod’нинг бозори 13 йил давомида чаққон бўлди, унинг беш модификацияси 2010 йилга қадар 257 миллион нусхада сотилди. Аммо у пайтга бориб iPhone туфайли iPod’нинг шуҳрати анча пасайиб қолган эди.
Изоҳ (0)