Баҳрайнда давом этаётган ёшлар ўртасидаги Осиё Чемпионатини мезбонлардан қабул қилиб олинган 2:3 ҳисобидаги мағлубият билан бошлаган Саудия Арабистони термаси, чорак финалда Ироқни мағлуб этди ва келаси йил Жанубий Кореяда бўлиб ўтадиган Жаҳон Чемпионатига йўлланма олди.
Гуруҳ босқичида Жанубий Корея термасини қолдириб кетган саудиялик футболчилар Ироқ билан учрашувда 2 та гол фарқи билан олдинда бора туриб, ўйиннинг асосий вақтида ҳисобдаги устунликни сақлаб қола олмади. Беллашувдан кейинги пенальтилар сериясида эса 6:5 ҳисобида устун келди.
Ироқ Осиё Чемпионатини тарк этди. Бироз аввалроқ мамлакат ўсмирлари қитъа чемпионлигини тантана қилганди.
Ўзбекистон ёшлар терма жамоаси Осиё Чемпионатининг чорак финалида Эронга рақиб бўлган. Мазкур жамоалар ўртасидаги ўйин эртага — 24 октябрь куни бўлиб ўтади. Беллашув «Спорт» телеканали орқали жонли намойиш этилади.
Эронга қарши учрашув олдидан ўзбекистонликлар бош мураббийи Жасур Абдураимов билдирган фикрлар билан мана шу ҳавола орқали танишиб олиш мумкин.
Осиё Чемпионати—U19 Чорак финал 23 октябрь, якшанба
Ироқ — Саудия Арабистони 2:2 пен: 5:6
Голлар: Ракан Ал-Эназий, 65 (0:1). Абдулраҳмон Ал-Ями, 70 (0:2). Сожид Хусайн Обид, 75 (1:2). Мазин Фаёд, 80 (2:2).Баҳрайн — Вьетнам
24 октябрь, душанбаЎзбекистон — ЭронЯпония — Тожикистон
Изоҳ (0)