Футбол бўйича Англия Премьер-Лигасининг 9-тур беллашувлари «Челси» ҳамда «Манчестер Юнайтед» клублари ўртасидаги ўйин билан ўз якунига етди.
«Стемфорд Бридж» стадионида кечган беллашув мезбонларнинг йирик — 4:0 ҳисобидаги ғалабаси билан тугади. Қайд этиш керак, Жозе Моуриньо бошқарувидаги «Юнайтед» кетма-кет учинчи турда рақибларини мағлуб эта олмади. Аввалги икки турда «қизил иблислар» «Сток Сити» ва «Ливерпуль» билан дуранг ўйнаганди.
Мазкур ғалаба Лондон клубини турнир жадвалида 4-ўринга олиб чиқди. Унда кетма-кет уч турдан буён очко йўқотаётган Манчестер шаҳрининг бошқа бир жамоаси «Сити» пешқадам бўлиб турибди. «Тоттенҳэм»дан енгилган ва «Эвертон»ни мағлуб эта олмаган Гвардиола жамоаси, бу сафар ўз майдонида «Саутгемптон» қаршилигини синдира олмади.
Маълумот учун, «Челси» эгаси Роман Абрамович эртага — 24 октябрь куни ўзининг 50 ёшини қарши олади. «Юнайтед»га қарши ўйин олдидан «Челси» бош мураббийи Антонио Конте Абрамовичнинг туғилган кунига ғалаба совға қилиниши ҳақида айтиб ўтганди.
Англия Премьер-Лигаси 9-тур учрашуви 23 октябрь, якшанба«Челси» — «Манчестер Юнайтед» 4:0
Голлар: Педро Родригес, 1 (1:0). Гари Кехилл, 21 (2:0). Эден Азар, 62 (3:0). Н’Голо Канте, 70 (4:0).«Манчестер Сити» — «Саутҳемптон» 1:1
Голлар: Нейтан Редмонд, 27 (0:1). Келечи Ихеаначо, 55 (1:1).
Изоҳ (0)