Ўзбекистон Халқ демократик партиясидан Ўзбекистон Президентлигига номзод Ҳотамжон Кетмонов ўз маърузасида қўшни мамлакатларга нисбатан очиқ ва прагматик сиёсат юритиш муҳимлигини таъкидлаб ўтди. Маърузанинг тўлиқ матни партия расмий сайтида чоп этилди.
«Қўшни мамлакатларга нисбатан очиқ ва прагматик сиёсат юритиш, улар билан савдо-иқтисодий ва маданий-гуманитар соҳаларда ўзаро манфаатли ва фойдали ҳамкорликни ривожлантириш, минтақадаги экологик вазиятни яхшилаш, Марказий Осиёдаги трансчегаравий дарёлар сув ресурсларидан оқилона фойдаланиш масалалари бўйича халқаро ташаббусларни илгари суриш борасидаги саъй-ҳаракатларни изчил давом эттириш ниҳоятда муҳим масаладир», — деди у ўз чиқишида.
«Ташқи сиёсий фаолиятнинг муҳим вазифаси бу Ўзбекистоннинг минтақавий хавфсизлик ва барқарорликни мустаҳкамлаш вазифаларини ҳал этишдаги фаол ва ташаббускор иштирокидир. Ушбу мақсадларда Марказий Осиё мамлакатлари, дунёнинг бошқа давлатлари, нуфузли халқаро ташкилотлар билан терроризм, экстремизм, наркотрафик, одам савдоси ва бошқа таҳдидларга қарши кураш масалалари бўйича ҳамкорлик муносабатларини ривожлантириш ва кучайтириш зарур», — қўшимча қилди Ҳотамжон Кетмонов.
Изоҳ (0)