Футбол бўйича Осиё Чемпионлар Лигасининг финалига йўлланма олиш ўзбекистонлик футболчи Сардор Рашидов ва унинг жамоаси «Ал-Жаиш»га насиб қилмади. Бу борада у Ўзбекистоннинг биринчи футболчисига айланиб олиш имкониятига эга эди.
Мусобақанинг ярим финали «Ал-Жаиш» учун 2016 йилги мавсумда сўнгги нуқта бўлди. Дастлабки учрашувни Амирликларда 1:3 ҳисобида бой берган Қатар клуби, ўз майдонида 2:2 ҳисобида дуранг ўйнади.
Рашидов асосий таркибда ўйинни бошлаганди. Мазкур учрашув Абдулраҳмонлар оиласи вакили томонидан урилган гол билан бошланиб, шу сулоланинг бошқа бир вакили урган гол билан якунига етди. Натижада Қатар клуби финал чиптасидан маҳрум бўлди.
Рашидов «Ал-Айн» майдонида гол уришга муваффақ бўлганди. Ўз майдонида эса бунинг уддасидан чиқа олмади.
Маълумот учун, «Ал-Айн» Сардор Рашидовдан олдинроқ Тошкентнинг «Локомотив» клубини ҳам турнирдан чиқариб юборганди.
Осиё Чемпионлар Лигаси Ярим финал. Жавоб ўйини 18 октябрь, сешанба
«Ал-Жаиш» (Қатар) — «Ай-Айн» (БАА) 2:2
Голлар: Умар Абдулраҳмон, 57 (0:1). Ромаринё, 67 (1:1). Ромаринё, 81 (2:1). Муҳаммад Абдулраҳмон, 90+5 (2:2).Дастлабки ўйин: 1:3
Изоҳ (0)