Буюк Британия инвесторларни жалб этувчи мамлакатлар бешлигидан чиқиб кетди

Буюк Британия 2009 йилдан буён илк бор инвесторларни энг кўп жалб этувчи мамлакатлар бешлигидан чиқиб кетди. Бу ҳақда Ernst & Young (EY)’нинг Global Capital Confidence Barometer ҳисоботи маълумотларига таяниб, Bloomberg агентлиги хабар бермоқда, деб ёзади «РБК».

Жорий йилда рейтинг бешлигидан АҚШ, Хитой, Германия, Канада ва Франция жой олган. Ҳисобот жорий йилнинг августидан сентябрига қадар дунёнинг 45 та мамлакати компанияларининг 1 700 раҳбари ўртасида ўтказилган сўров натижаларига кўра тузилган.

Компания раҳбарларининг ишончсизлигига Буюк Британиянинг Европа Иттифоқидан чиқиш ҳақидаги қарори ҳам таъсир кўрсатмоқда.