Кувайт ҳукумати ва парламенти тарқатиб юборилди

Кувайт вазирлар маҳкамаси аъзолари истеъфо сўради. «Интерфакс»нинг AP’га асосланиб ёзишича, бундай қарорга сабаб сифатида қонун чиқарувчи ва ижро ҳокимиятлари ўртасида етарли даражада ҳамкорлик йўлга қўйилмагани кўрсатилган.

Бундан ташқари, Кувайт амири Сабаҳ ас-Сабаҳ парламентни тарқатиб юбориш тўғрисидаги фармонни имзолади. Ҳужжатда айтилишича, парламент «минтақада юзага келган вазият, шунингдек, хавфсизликни таъминлашдаги муаммолар» туфайли тарқатиб юборилган.

Сайловлар қачон бўлиб ўтиши ҳозирча маълум эмас.