Дания валиаҳд шаҳзодаси Фредерик батутда сакраш чоғида бўйнидан лат еди

Дания валиаҳд шаҳзодаси Фредерик батутда сакраш чоғида бўйнидан лат еди. Бу ҳақда, The Local нашрига асосланиб, «Интерфакс» хабар бермоқда.

Воқеа гимназиядаги шахсий тадбирда рўй бергани айтилмоқда.

48 ёшли валиаҳд тўлиқ тикланиш учун 12 ой мобайнида бўйин корсетида юришга мажбур бўлади.

Жароҳат туфайли у даниялик паралимпиячилар шарафига уюштирилажак қабулни бекор қилишга мажбур бўлди. Аммо бундан буён шаҳзода бўйиндаги корсет туфайли тадбир ва халқ олдига чиқишни бекор қилмоқчи эмас.