Германия суди Эрдўғоннинг танқидий шеър юзасидан киритган апелляциясини қабул қилмади

Германиянинг Кобленц шаҳри бош прокуратураси Туркия президенти Ражаб Тоййиб Эрдўғоннинг апелляциясини асоссиз деб топиб, уни рад этди. Апелляция Германия судининг танқидий шеър иши бўйича терговни тўхтатиш қарорига қарши қаратилган эди, деб хабар беради «ТАСС».

31 март куни теледастурлардан бирининг эфирида германиялик қизиқчи Ян Бемерман Туркия президентига қарши қаратилган қўпол шеърни ўқиб эшиттирди.

Эрдўғон қизиқчини судга бериб, уни «хорижий давлат раҳбарини ҳақорат қилиш» учун жавобгарликка тортишни талаб қилди. Аммо Майнц суди Бемерманни жазолаш учун бирор асос топа олмади. Эрдўғон Кобленц шаҳри судига апелляция киритишга қарор қилди, аммо бу ҳам фойда бермади.