Ўзбекистон миллий терма жамоаси бош мураббийи Самвел Бабаян Хитойга қарши 2:0 ҳисоби билан якунига етган ўйиндан кейин журналистлар саволларига жавоб қайтарди.
«Бугун сифатли ўйин намойиш этдик, — деб гап бошлади Бабаян. — Режаларимизни амалга оширдик ва мақсадимизга эришдик. Мухлисларни табриклайман ҳамда футболчиларга раҳмат айтаман».
«Бугун Сервер 120-ўйинини ўтказди, бу рекорд. Уни ўсмирлик давридан буён биламан. Ҳақиқий профессионал», — деб Сервер Жепаровнинг ўйини ҳақида берилган саволга жавоб қайтарди мураббий.
«Ҳар бир ўйин учун алоҳида тактика танлаймиз. Иккинчи бўлимда Хитойда бўш зоналар пайдо бўлди. Ўз олдига юқори мақсад қўядиган жамоа ҳужумда ҳам, ҳимояда ҳам бирдек ўйнай олиши лозим. Бугун курашларда бизнинг йигитлар ғалаба қозонишди».
«Хитой сафида майдонга чиқиб келган футболчилар мен учун кутилмаган бўлди. Бироқ мураббий ўша-ўша ва жамоа фалсафаси ўзгармаган эди. Хитой мураббийи билан яхши танишман. Уни ҳурмат қиламан. Маҳаллий мутахассис бўлгани учун истеъфосига қарамай федерация унга ишонишда давом этса керак», — деб фикр билдирди Бабаян.
Изоҳ (0)