Латвия матбуоти Ўзбекистон Президенти сайлови ҳақида ёзмоқда

4 декабрь куни бўлиб ўтадиган Ўзбекистон Президенти сайловига тайёргарлик Латвия матбуотида катта қизиқиш билан кузатиб борилмоқда, деб хабар беради «Жаҳон».

Хусусан, Болтиқ янгиликлар агентлигининг (Baltic News Service, BNS) ҳамда Латвиянинг халқаро журналлари — «Очиқ шаҳар» ва «Болтиқ курси»нинг электрон порталларида сайловга тайёргарлик жараёнига бағишланган мақолалар чоп этилди.

Уларда сайловда тўртта партиядан номзодлар иштирок этиши, номзодлар маълум бўлгани ҳақида ёзилади. Ўзбекистон Марказий сайлов комиссияси барча тегишли ҳужжатларни кўриб чиқиб, номзодларни қабул қилгани таъкидланади.

BNS’да таъкидланишича, мустақиллик йилларида Ўзбекистонда энг юқори демократик талабларга жавоб берадиган миллий сайлов тизими яратилган.

Шу билан бир қаторда, Латвиянинг бошқа бир нашри — «Очиқ шаҳар» халқаро журнали Ўзбекистон МСК қошида ишчи гуруҳлар ташкил этилгани, улар сиёсий партиялар томонидан тақдим этилаётган имзо варақаларининг тўғрилигини текшираётгани айтилади.

«Сиёсий партиялар сайловчилардан номзодни қўллаб-қувватловчи имзолар тўплашга ҳақли, бу иш ва хизмат, ўқиш ва яшаш жойида, сайловолди тадбирларда амалга оширилади», — дейилади материалда.