АҚШ самолёти Россиянинг Ўрта Ер денгизидаги кемаларига яқинлашди

АҚШ ҳарбий-денгиз кучларининг R-8A Poseidon кемаларга қарши патруллаш самолёти Ўрта Ер денгизи шарқига навбатдаги парвозини уюштирди. Ушбу ҳудудда Россия ҳарбий-денгиз кучлари доимий тезкор қўшилмаси кемалари жойлашган, деб маълум қилади «Интерфакс».

Ҳарбий авиация ҳаракатини кузатувчи сайтларда маълум қилинишича, 168859 борт рақамига эга разведкачи самолёт эрталаб Сицилиядаги Сигонелла авиабазасидан учиб чиққан бўлиб, бир неча соат давомида Кипрдан жануб ва ғарбни разведка қилган.