Россия Думаси Сурияда авиагуруҳни муддатсиз жойлаштириш тўғрисидаги келишувни ратификация қилди

Россия Давлат Думаси РФ авиагуруҳининг Сурия ҳудудида аниқ муддатсиз жойлаштирилиши тўғрисида Москва ва Дамашқ ўртасида тузилган келишувни ратификация қилди. Бу ҳақда «ТАСС» хабар бермоқда.

Ратификация учун йиғилишда қатнашган барча 446 депутат овоз берди.

Ҳужжат 2015 йил 26 август куни Дамашқда имзоланган эди. Орадан деярли бир йил ўтгач, жорий йилнинг 9 август куни у Россия президенти томонидан парламент муҳокамасига киритилди.

Келишувга мувофиқ, Россия ҳарбий-ҳаво кучлари гуруҳи Сурия томонининг илтимосига кўра Лазқия вилоятидаги Хмеймим аэродромида беғараз жойлаштирилади.