Қодиров тарафдорларидан Емельяненкони ҳақорат қилувчи ёзувларни ўчиришни сўради

Чеченистон раҳбари Рамзан Қодиров ўз тарафдорларига мурожаат этиб, жангчи Фёдор Емельяненкони ҳақорат қилувчи ёзувлар қолдирмасликни, қолдирилган ёзувларни эса ўчиришни сўради. Бу ҳақда «РБК» хабар бермоқда.

«Инсоннинг нафсониятига тегмаслик керак», — деб таъкидлади у Instagram’даги саҳифасида.

Емельяненко Грознийда Қодировнинг туғилган куни муносабати билан вояга етмаган болалар ўртасида ташкил этилган жангларни танқид қилган эди. Аммо бу Қодировнинг тарафдорларига ёқмади, ва улар таниқли жангчини ҳақорат қила бошлади.