Гаитида «Мэттью» довули қурбонлари сони 500 кишига яқинлашди

Гаитида «Мэттью» довули оқибатида қурбон бўлганлар сони 478 кишига етди. Бу ҳақда, Sky News телеканалига асосланиб, «Интерфакс» хабар бермоқда.

Илгарироқ қурбонлар сони 339 кишини ташкил қилгани маълум бўлганди.

3,2 минг уй вайрон бўлгани, 20 минг киши бошпанасиз қолгани айтилмоқда. Халқаро қизил хоч Гаитида яшовчи 50 минг кишига гуманитар ёрдам кўрсатиши кутилмоқда.