Песков Путин туғилган кунини қандай нишонлашини айтди

Россия президенти Владимир Путин туғилган кунини яқинлари, қариндошлари ва дўстлари даврасида кутиб олади. Бу ҳақда унинг матбуот котиби Дмитрий Песков маълум қилди, деб хабар бермоқда «РИА Новости».

7 октябрь куни Россия раҳбари 64 ёшга тўлади.

«Эртага ҳеч қандай оммавий тадбирлар режалаштирилмаган. Шу билан бирга, шубҳасиз, халқаро қўнғироқлар, табриклар бўлади, шу боис қандайдир тегишли саволлар давлат раҳбари ҳузурида муҳокама қилинади. Одатда шундай қилинади, ҳеч қачон байрам мавзуси билан чекланиб қолинмайди», — таъкидлади Песков.