25 сентябрдан 3 октябрга қадар Болгариянинг Бургас шаҳрида ушу бўйича ўспиринлар ўртасидаги 6-жаҳон чемпионати ўтказилди. Унда ўзбекистонлик спортчилар медалларга эга бўлди, деб хабар бермоқда «Газета.uz».
Турнирда 53 мамлакатдан ташриф буюрган 800 спортчи иштирок этди. Мураббийлар Дилшод Бозоров ва Жамолиддин Салимжонов бошчилигидаги Ўзбекистон терма жамоаси 11 спортчидан тузилган эди. Уларнинг етти нафари таолу, тўрт нафари саньда йўналишида иштирок этди.
Мусобақа якунларига кўра Ўзбекистон вакиллари олтин ва бронза медалларини қўлга киритди. Таёқ билан ижро этиладиган комплексда энг яхши натижани кўрсатган Дарья Латишова биринчи ўринни қўлга киритди, Азизбек Исроилов эса саньда йўналишида учинчи бўлди.
«Ушу қизиқарли, чиройли ва назокатли спорт тури бўлгани учун уни танлаганман. Жанг санъатининг ушбу турида акробатик ҳаракатлар ва қуролга эгалик қилиш мени ўзига тортади», — деди Латишова.
Изоҳ (0)