Италияда 100 нафар энг хавфли жиноятчи рўйхатида бўлган мафиози қўлга олинди

Италия полицияси жиноятлар мажмуи учун 20 йиллик қамоқ жазосига сиртдан ҳукм қилинган, «ндрангета» мафияси етакчиси хавфли жиноятчи Антонио Пеллени қўлга олди. Бу ҳақда ANSA агентлиги маълум қилди, деб ёзади «ТАСС».

Италия жанубидаги Сан-Лука шаҳридан бўлган 54 ёшли Пелле ўз уйида ҳибсга олинган. У уйидаги махфий хонада яшириниб яшаган.

У 2011 йилда шифохонадан қочиб кетгандан буён қидирувда бўлган. Пелле 100 нафар энг хавфли жиноятчи рўйхатига киради.

У 2007 йилнинг августида олти нафар италияликнинг ўлдирилиши билан боғлиқ Германиянинг Дуйсбург шаҳридаги хунрезликка алоқадор эканлиги маълум қилинди.