Андрей Шевченко ўзи истаган таркибга Лионель Мессини киритди, Криштиану Роналду эса захирада қолди

Украина терма жамоаси бош мураббийи Андрей Шевченко футболчилик даврида ўзи билан бирга тўп сурган футболчилардан кўнглидагидек жамоа тузиб берди, деб ёзди «Чемпионат».

Шевченконинг асосий таркибидан футболнинг бугунги юлдузларидан бири Лионель Месси жой олган бўлса, Криштиану Роналду захирада қолиб кетди.

Собиқ футболчи дарвозабонлар орасидан «Ювентус» посбони Жанлуиджи Буффонни танлади. Ҳимоячилар квартетига эса Паоло Мальдини, Алессандро Неста, Жон Терри ҳамда Кафуни киритди.

Ярим ҳимоячилардан Кака, Стивен Жеррард, Зинедин Зиданни афзал билган Шевченко, ҳужум чизиғига Роналдо, Лионель Месси ва Уэйн Рунини жойлаштирди.

Петр Чех, Карлес Пуйоль, Михаэл Баллак, Фрэнк Лэмпард, Андреа Пирло, Райан Гиггз, Криштиану Роналду каби футболчилар захирада қолди.