Алеппо шарқий туманлари аҳолисининг ярми шаҳарни тарк этиш ниятини билдирди

Алеппо шаҳрининг Сурия ҳукумат қўшинлари қамали остидаги шарқий туманларида истиқомат қилувчи 275 минг кишининг ярми шаҳарни тарк этиш ниятида. Бу ҳақда БМТ гуманитар масалаларни мувофиқлаштириш бошқармаси баёнот берди, деб ёзмоқда «Интерфакс».

«Шарқий Алепподаги вазиятни баҳолаш шуни кўрсатмоқдаки, аҳолининг 50 фоизи шаҳарни тарк этиш ниятида», — дейилади хабарномада.

Бу кайфиятлар озиқ-овқат маҳсулотлари нархининг ошиши ҳамда захираларнинг тугаши туфайли келиб чиққани айтилмоқда.