Сентябрда ОПЕК мамлакатлари рекорд даражада нефть қазиб олди

Сентябрь ойида ОПЕК картелига аъзо мамлакатларда нефть қазиб олиш ҳажми Ливия ва Нигерияда қазиб олиш ишлари қайта бошланганидан бери қайд этилган энг юқори даражада бўлди. Бу ҳақда «Ведомости» хабар бермоқда.

Bloomberg тақдим этган ахборотга кўра, сентябрда нефть чиқариш ҳажми суткасига 170 минг баррелга кўпайиб, 33,75 миллион баррелни ташкил этди.

Нигерия ва Ливия шу даврда нефть қазиб олиш ҳажмини ўртача 190 минг баррелга кўтарди. Саудия Арабистони ва Анголада бу кўрсаткич 60 минг ва 40 мингга тушгани кузатилди.