Россиянинг Барнаул шаҳрида истиқомат қилувчи Константин Глухарёв 16 қаватли уйлар орасига тортилган, 60 метр баландликдаги осма арқондан юриб ўтди. Бу ҳақда TJournal хабар бермоқда.
Хабарда қайд этилишича, осма арқоннинг масофаси 30 метр бўлган.
Аввалига 3 нафар экстремал осма арқондан ўтишга қарор қилганди, аммо фақатгина Глухарёв масофани тўлиқ босиб ўтди. Масофани ўтиш вақтида у бир марта мувозанатни йўқотди, бироқ арқонга осилиб қолишга муваффақ бўлди ва йўлида давом этди.
Экстремаллар осма арқондан ўтиш олдидан полицияни огоҳлантирди, бино томи эса расман ижарага олинди. Осма арқонга чиққан барча экстремаллар хавфсизлик камаридан фойдаланган.
Изоҳ (0)