Афғонистон хавфсизлик кучлари Қундузда толибларга қарши операция олиб бормоқда

Афғонистон хавфсизлик кучлари мамлакат шимолидаги Қундуз шаҳрига бостириб кирган «Толибон» ҳаракати жангариларига қарши операция олиб бормоқда, деб ёзади «ТАСС».

Исёнчилар отрядлари Қундузга тўрт томондан ёпирилиб кириб, ҳукумат кучлари томонидан шаҳар атрофига ўрнатилган мудофаа ҳалқасини бузишга муваффақ бўлди. Толиблар Қундузнинг марказий туманларига вақтинчалик киришга эришди. Маҳаллий раҳбарлар, шу жумладан, губернатор ва полиция бошлиғи шаҳарни тарк этиб, аэропорт томонга чиқиб кетди.

Кун охирида хавфсизлик кучлари Қундуз маркази устидан назоратни қайта тиклашга муваффақ бўлди. Жанглар губернатор қароргоҳи, полиция ва махсус хизматлар штаб-квартиралари атрофида олиб борилди.