Тошкентда 3 октябрь тонгида Мирзо Улуғбек шоҳ кўчасидаги «Рассомчилар» бекатларини қайта тиклаш бўйича ишлар бошланди, деб ёзади «Газета.uz».
Мазкур йўлнинг ҳар иккала томонидаги тўхташ мажмуалари 2015 йилнинг июлида ёпилган эди. Йўловчиларга «Кимё институти» ёки «Сиёсатшунослик институти» бекатларидан бирида тушиш таклиф қилинар эди. Улар ўртасидаги оралиқ 1,5 километрга яқин масофани ташкил этади.
Йўлак тўсиб қўйилганлигига қарамасдан, йил давомида автобус ҳайдовчилари кутиб турган одамларни қабул қилиш ёки йўловчиларни тушириш учун собиқ бекатларнинг одатий жойида тўхтаб келар эди.
Изоҳ (0)