Ўзбекистонда экотуризмни ривожлантириш бўйича анжуман бўлиб ўтади

Тошкентда 5—6 октябрь кунлари «Экологик туризм — атроф-муҳитни барқарор ривожлантириш ва ҳимоя қилишнинг муҳим омили: Ўзбекистон тажрибаси ва чет эл амалиёти» халқаро анжумани бўлиб ўтади, деб ёзади UzDaily.

Тадбир Ўзбекистон табиатни муҳофаза қилиш давлат қўмитаси, «Ўзбектуризм» миллий компанияси, Ўзбекистонда ЕХҲТ лойиҳалари координатори ва бошқа манфаатдор вазирлик ва муассасалар томонидан ташкил этилади.

Анжуман ишида БМТнинг Жаҳон савдо ташкилоти, Атроф-муҳит дастури, Европа иқтисодий комиссияси ташкилотлари, Халқаро экотуризм жамияти, халқаро молия институтлари, дипломатик корпус, шунингдек, Ўзбекистон парламенти вакиллари қатнашади.

Экологик анжуман доирасида Ўзбекистонда экологик туризмни чет эл тажрибаси ва амалиётини ҳисобга олган ҳолда ривожлантириш механизмлари ва воситалари, истиқболли йўналишлари муҳокама қилинади.