ОАВ: Matiz Россия бозорини тарк этади

GM Uzbekistan автоконцернининг энг арзон машиналаридан бири — Matiz Россия бозорини тарк этади. Бу ҳақда CarExpert хабар бермоқда.

Ravon’нинг рус интернетидаги расмий сайтида у ҳақдаги маълумот олиб ташланди. Моделнинг Ўзбекистондан олиб кирилиши тўхтатилди, деб маълум қилади нашр.

Айни пайтда дилерлар захирадаги машиналарни сотиб тугатмоқда. Уларнинг нархи 314 минг рублдан (салкам 5 минг доллар) бошланади.

Машинага бўлган талабнинг тушиб кетиши боис у бозордан чиқарилмоқда. Ишлаб чиқарувчилар Matiz’нинг ўрнини Ravon R2 эгаллашини режалаштирмоқда.

Маълумот учун, хэтчбек 0,8 литрли, 50 от кучига эга бензинли моторга эга.