«Рейнжерс» футбол клубининг мухлиси автоҳалокат қурбони бўлди

Шотландиянинг «Рейнжерс» футбол клуби автобусининг ҳалокатга учраши оқибатида жабрланган 19 кишидан 1 нафари оламдан ўтди. Бу ҳақда «ТАСС» хабар бермоқда.

«39 ёшли эркак жиддий автоҳалокатдан сўнг ҳалок бўлганини тасдиқлаймиз. Бундан ташқари, 18 кишига биринчи тиббий ёрдам кўрсатилмоқда. Улардан 3 нафари оғир аҳволда», — дейилади Шотландия полициясининг баёнотида.

Эслатиб ўтамиз, «Рейнжерс» футбол клуби мухлисларининг автобуси 1 октябрь куни Шотландия жанубидаги Шарқий Эйршир ҳудудида ҳалокатга учради. Автобус ичида ҳайдовчи билан бирга 37 киши бўлган.