Грузияда собиқ мудофаа вазирига суиқасд уюштирилди

Грузияда номаълум шахслар мажоритар депутатликка номзод, собиқ мудофаа вазири Ираклий Окруашвилига қуролли ҳужум уюштирди. Бу ҳақда «Газета.ru» хабар бермоқда.

Дастлабки маълумотларга қараганда, суиқасд оқибатида Окруашвилининг соқчиси ва «Грузин партияси» фаолларидан бири яраланди. Уларнинг ҳаёти хавф остида эмас.

Окруашвилининг кўрсатма беришича, ҳужумни тўппонча билан қуролланган икки киши уюштирган.