Германиянинг Мюнхен шаҳри марказий вокзали яқинида навбатчиликда турган полициячи Стефан Шмидт қоидабузар велосипедчини тўхтатганидан сўнг у кино актёри ва АҚШнинг Калифорния штати собиқ губернатори Арнолд Шварценеггер эканлигини кўрди. Бу ҳақда «Интерфакс» хабар бермоқда.
Айтилишича, актёр вокзал платформаси бўйлаб велосипедда юрган.
Қисқа суҳбатдан сўнг Шварценеггер велосипедни ёнида итарганча вокзални шимолий чиқишдан пиёда тарк этди.
Полициячи кино юлдузи билан суратга тушишни унутмади.
Изоҳ (0)