«Камар тақинг, бу ҳаётингингизни сақлаб қолиши мумкин». Гонконг полициячилари ишлаган клип Facebook’да бир миллиондан ортиқ марта кўрилди

Гонконг полициячилари интернетда хит даражасига кўтарилган The Story Of Pen Pineapple Apple Pen қўшиғига ўхшатма клип олди.

Ҳуқуқ-тартибот ходимлари клип учун асос сифатида қўшиқ мазмунини олди ва ундаги сўзларни «камар» (belt) ва «тўқа»га (buckle) алмаштириб, уларни бирлаштириш ва тақиб олишни (buckle up) таклиф этди.

«Камар тақинг, бу ҳаётингизни сақлаб қолиши мумкин», — дейилади ролик якунида.

Видео 28 сентябрь, чоршанба куни Гонконг полициясининг Facebook’даги саҳифасида эълон қилинди ва икки кун мобайнида бир миллиондан ортиқ марта кўрилди.

[fbvideo link="https://www.facebook.com/HongKongPoliceForce/videos/1191065174314778/" width="600" height="350" onlyvideo="1"]

Маълумот учун, япониялик ижрочи Пико-Таронинг The Story Of Pen Pineapple Apple Pen қўшиғига олинган оригинал клип Facebook’нинг ўзида камида 60 миллион марта томоша қилинган.